味口福 (Closed)

去開筲箕灣行山，海灘，拜山都會去食嘅人氣手打漢堡包餐廳。港鐵站行5分鐘左右到天悅，星期六假日去，好多街坊都幫襯，午餐好多時間大機會要等位，因為佢地啲嘢食平靚正。焗飯意粉類都好多人叫。手打漢堡餐跟熱飲，另一個係加薯條或沙律。我就鍾意跟蜂蜜醬或芥末醬，再加多塊牛肉變雙層漢堡。正！跟墨西哥醬加菠蘿就又辣又甜，惹味。佢地個紅豆奶茶都做緊優惠，有興趣值得試。我都試過其他扒，魚柳都炸我好脆唔淋。雞扒就一般咁啦。