Video
Read full review
2007-05-31
6 views
尋晚一時興起,約同幾個死黨晚飯,我睇食評已經知呢度掂,但無奈幾次都去唔成。尋晚終於約齊人去,晚上七點我屋企樓下集合,坐我老友部車去到,到達後另一老友收工亦到,一行五人坐低即叫。叫【香辣生蠔煲、黑椒豬手煲、金銀蛋浸莧菜、燒鵝半隻、豉油王吊筒、乾飽魚四份& 酥皮炸軟殼蟹】,同埋飲好多支【藍帶】大樽裝啤酒。香辣生蠔煲→因我唔食生蠔所以唔知點,但我朋友話ok!黑椒豬手煲→我覺得味道好濃郁好味,口感都唔錯,又唔太辣,下次一定再試。金銀蛋浸莧菜→好大份量,味道鮮,但我覺得較淡味,但絕對ok 。燒鵝半隻→同深井燒鵝比較係差一皮,唔夠熱皮唔夠香脆,用$100元食半隻燒鵝,我覺得抵食過一隻雞。豉油王吊筒→吊筒好新鮮,鮮嫩芽菜鋪底,豉油味適中但豉油太少,但都好味。乾飽魚四份→雖然好細隻,約三吋乘二吋以內,但口感一流,飽汁絕對好味,伴碟西蘭花好鮮好脆,正!酥皮炸軟殼蟹→炸得好,好脆好味道,佐酒一流,下次又一定要食!門外有十幾個免費自泊車位,但泊滿即止,最好晚上七時半前到達,否則好難有車位。酒家內裝修我覺得ok , 就算圍村士紳度擺宴席,我都覺得絕對可以,內裡冇乜柱位,我估計可以擺廿圍左右,一眼就可睇哂全場及
香辣生蠔煲→因我唔食生蠔所以唔知點,但我朋友話ok!
黑椒豬手煲→我覺得味道好濃郁好味,口感都唔錯,又唔太辣,下次一定再試。
金銀蛋浸莧菜→好大份量,味道鮮,但我覺得較淡味,但絕對ok 。
燒鵝半隻→同深井燒鵝比較係差一皮,唔夠熱皮唔夠香脆,用$100元食半隻燒鵝,我覺得抵食過一隻雞。
豉油王吊筒→吊筒好新鮮,鮮嫩芽菜鋪底,豉油味適中但豉油太少,但都好味。
乾飽魚四份→雖然好細隻,約三吋乘二吋以內,但口感一流,飽汁絕對好味,伴碟西蘭花好鮮好脆,正!
酥皮炸軟殼蟹→炸得好,好脆好味道,佐酒一流,下次又一定要食!
門外有十幾個免費自泊車位,但泊滿即止,最好晚上七時半前到達,否則好難有車位。酒家內裝修我覺得ok , 就算圍村士紳度擺宴席,我都覺得絕對可以,內裡冇乜柱位,我估計可以擺廿圍左右,一眼就可睇哂全場及龍鳳廳。
侍應服務好但可能人手唔多足夠,平日晚飯已經差唔多爆滿,我估計星期六日及欲眾假期,可能好難搵位。
價錢絕對經濟抵食,比起好多大排檔更抵,環境都算企理乾淨,上菜速度非常快。
飲差唔多四大支啤酒,食七大樣菜,款款份量非常巨大,加埋人頭白飯,埋單都係五佰五十元左右,個人覺得超抵食,下次絕對一定再~
Post