鳴虎 (北角匯二期)

Open Now

Now Closed

週末同另一半去北角商場逛下，行完去地庫超市買嘢，見超市內有間日式風格拉麵店，就每人食碗麵先再逛😄麵店面積唔大，有十多個座位，主要供應五款唔同湯底嘅日本拉麵，另外有丼飯同小食。日本魚乾豬骨湯拉麵用四種魚乾+豬骨製成湯底，湯底鮮味濃香，有兩塊日式叉燒，溏心蛋，紫菜，大量木耳絲同葱花，日式叉燒微微炙燒過，肥瘦適中，肉質軟腍，木耳絲爽脆，溏心蛋出色，蛋黄流心有蛋香😋，拉麵幼身彈牙，吸收濃郁魚乾豬骨湯，掛湯力👍黑蒜油拉麵材料同配菜相同，但湯底就轉咗黑蒜油豬骨湯，湯底多咗濃香黑蒜油香味，拉麵食落更滑溜😋