Joyful Dessert House (Closed)

前幾日，有啲冇腦既司長話黃色經濟圈乜乜乜，又物物物，所以呢幾日我早午晚加埋下午茶都行咗入黃店支持吓。大家努力加油，我咁大個人，食乜野，點洗錢吾洗司長操心。。 今日行完旺角，試吓《Joyful 》既下午茶☕️ 門口寫住下午茶送飲品，亦見頗多既米芝連推介，即刻帶埋老婆入去試吓。我叫左《雜果窩夫》，太太就想試吓招牌既《芒菓拿破倫》。窩夫等左十分鐘熱上，雜果有士多啤梨粒，芒果粒，蘋果粒同埋香蕉片。窩夫面有小雪糕球伴碟，甜品要求全達。佢個《拿破崙》堅做得好。上碟篤落去可以完全一分為二，因為中間既餅片係新鮮 *脆*既，若果餐廳將佢擺入雪櫃就會吸左水氣，啲餅片韌左就切吾開了。今日件蛋糕既餅片脆到好似薯片咁，比 《cova》或五星酒店既甜品部做得更好，難怪係米芝蓮推介。讚！伴碟亦跟了小芒果味雪糕球，侍應姐姐表示有其他口味可作自選改動。牆上清一色自己人既掛牆裝飾，我唸「堅持」同「加油」吾係單向既，我哋都希望《Joyful 》繼續加油落去，keep 住好既成績同出品。 甜品推介： 👍🏻👍🏻👍🏻👍🏻