康記菜館 (Closed)

放假約朋友去離島玩一日，朋友提意到長洲，諗吓已經有成年冇嚟過，入到去又熱又攰，就打算食左野先。入長洲除左食大魚蛋外，都試下海鮮檔先。我地揀左呢間新康記菜館，地點好方便，離碼頭行5分鐘就到，吹住海風，望住長洲景食飯的確幾chill👍，睇見餐牌，樣樣都好似好好食咁！正當眼花撩亂之際，侍應姐姐推薦我哋食套餐，最後我地2個女仔叫左 $308set（自選3個海鮮，一份小炒，一份小菜），價錢恰當，岩哂我地呢d 選擇困難症女仔。白灼海生蝦蝦好新鮮，有手指咁大隻，仲好鮮甜，唔使點豉油都好足夠。椒鹽鮮魷好香脆，鮮魷大大件，啖啖魷魚香味，炸得酥香，而且薄薄一層粉唔會好厚，椒鹽味道很足夠🤩豉椒炒蟶子隻隻聖子都好厚肉，索晒好多汁，真係差啲忍唔住order個白飯蒜蓉炒西蘭花🥦清脆碧綠嘅西蘭花，脆得黎又唔會太老，而且食落好爽口嘅感覺，西蘭花滿滿的蒜蓉汁😋生炒排骨份量都幾多，醬汁酸酸甜甜，好開胃令人食到停唔到口，成碟都好夠熱好夠鑊氣。另外一提，餐廳食物選擇好多，菜式普遍都好大碟，最好叫多幾個親戚朋友一齊去，就可以試多幾款啦