邦記海鮮酒家

Open Now

Now Closed

今晚突然好想食海鮮，於是一行4人去流浮山。6點幾開車去到流浮山差不多7點15分，泊好車就沿巷仔一直行去邦記。去到先拎4位枱，然後過隔離買海鮮。海鮮檔第一時間問我地幾多人，然後就介紹幾樣海鮮給我們，最後我揀左蝦丶金蠔丶鮑魚丶炆魚。返去我地張枱已經見到有4碗湯，係魚丶豆腐湯，仲見到湯渣有淮山，湯好甜而不咸，豆腐吸收了魚汁好好味。第一碟是炆魚，炆魚其實是炸了之後埋一個薄芡，個芡夠薄所以魚一啲都冇淋，係脆的！一舊舊的魚肉真係好厚肉，似食扒，肉質肥美潔白，魚皮厚而脆，非常可口。蒜蓉開邊蝦，蒸得岩岩好，好香蒜蓉味，一口咬落蝦肉，鮮甜而爽！蒸鮑魚基本上亦係同炆魚一樣，必食，鮑魚配上翠綠青蔥一起吃，咬落彈牙又有蔥的爽脆感，突然有富豪感覺！必食香煎金蠔，一見到就已經好吸引，隻隻大大隻，金黃色，沾少許砂糖，一咬落去是外脆內軟兼有蠔汁，蠔味重，同蠔士完全係兩回事。一碟灼菜心，翠綠少油，大大支莖以為一定有渣，菜真係粗莖之外，就真是沒有渣，菜味一流。灼菜是不用另點，係免費送的。老闆熱情招呼，好有親切感由於每碟餸都唔咸，所以冇口乾的感覺。