台灣小食 (Closed)

可能因為今日凍左 所以食完lunch都好似未滿足咁 一路行就諗緊有咩好味 但係登打士街既小食店實在太多人啦 所以一直行左去好景個邊再搵野食 經過台灣小食呢間舖頭 其實早排熱既時候我試過佢既冰烤蕃薯 其實係搽左蜜糖既凍蕃薯 雖然係一細舊 不過$10我覺得ok 夏天既時候一定要試下 講返今日 因為太凍 我改左食胡椒餅 個size好似平時茶餐廳既餐包差唔多大 個飽既皮唔算好薄 個包係硬硬地 咬左兩啖就食到中間既胡椒 個味好濃 係冬既天氣食即刻暖笠笠 我仲加多個芋圓 （配仙草底）中間啡綠色既係蕃薯蓉 佢加埋本身冇乜味既仙草一齊食 令成碗野加左分 我食過幾樣野 呢間小食都ok 可能因為個地點唔算好旺所以通常都唔係好多人排隊 大家下次可以試下