雲貴川小鬍子 (譚公道)

Open Now

Now Closed

一直係米線關注組同social media foodie介紹中都見過呢間米線覺得幾吸引，終於有機會離開土瓜灣就去咗試，質素果然唔差都幾好食，去開土瓜灣絕對推介，但未至於會跨區特登去食。小鍋米線小辣+麻辣腩肉+木耳絲小鍋湯底已經少辣，再加埋麻辣腩肉，我覺得好辣🙈 食到流晒鼻水，所以下次一係腩肉唔好嗌辣，一係湯底唔好辣，除非平時叫開中辣🤣🤣 腩肉同木耳絲都唔差，腩肉唔肥，但有少少韌，不過整體嚟講係好味嘅。酸辣小辣+豬軟骨+墨魚頭呢碗湯底小辣，但餸無辣，辣度就啱啱好。豬軟骨啲軟骨炆得好腍，啫喱狀，又入味，墨魚頭就正常。土豆絲及涼拌牛脷調味唔錯，十分惹味，而且溫度控制得好，唔會太凍，又唔係室溫咁暖，兩樣都好味。