Video
Read full review
2020-09-08
614 views
今日去開尖沙咀，朋友就話帶我去重慶大廈食野。本身聽到要入重慶大廈都真係驚驚地架，始終覺得入面好亂。但原來都唔係架喎！.朋友帶我上黎3樓呢間餐廳食野，咁佢就介紹食新德里特式燴雞再加烤餅，我就揀左牛油烤餅同蒜茸烤餅。飲品就揀左玫瑰乳酪。.烤餅點咖喱真係好夾好好食，個咖喱本身唔會好辣，辣度好啱香港人食！而且都真係幾大份，同朋友兩個人share就啱啱好！咖喱雞仲要好淋好入味，入面仲有隻蛋架！真係好推介大家食。.而個烤餅好大塊又好有層次，唔會覺得好油膩。個人比較鐘意牛油烤餅，佢個牛油味好重，點左咖喱之後都唔會完全比咖喱味遮左，另外佢冇蒜茸烤餅咁乾，所以我比較鐘意，但我諗都係個人喜好黎既者。.之後食食下就飲啖lassi，朋友話今次比上次更粉紅色，隻色都真係幾靚。至於味道我就覺得正常，唔係好特別，但亦唔會好甜。.最後因為口痕嗌多左個印度炸洋蔥圈，即叫即炸，上枱嗰陣仲係辣手架！都幾大份架，而且佢又唔會好重麵粉，只係輕輕薄薄上咗層麵粉就炸。就會成到尾都冇乜油出。但可能因為我地叫既次序錯左，所以就覺得佢好淡。而個醬都好稀同隻味唔係好啱食，少少可惜。.上去嗰陣係下晝兩點零三點，冇乜人，所以環境都幾靜幾舒服，
.
朋友帶我上黎3樓呢間餐廳食野，咁佢就介紹食新德里特式燴雞再加烤餅，我就揀左牛油烤餅同蒜茸烤餅。飲品就揀左玫瑰乳酪。
.
烤餅點咖喱真係好夾好好食，個咖喱本身唔會好辣，辣度好啱香港人食！而且都真係幾大份，同朋友兩個人share就啱啱好！咖喱雞仲要好淋好入味，入面仲有隻蛋架！真係好推介大家食。
新德里特色燴雞
$74
43 views
0 likes
0 comments
.
而個烤餅好大塊又好有層次，唔會覺得好油膩。個人比較鐘意牛油烤餅，佢個牛油味好重，點左咖喱之後都唔會完全比咖喱味遮左，另外佢冇蒜茸烤餅咁乾，所以我比較鐘意，但我諗都係個人喜好黎既者。
牛油烤餅
$23
33 views
0 likes
0 comments
蒜茸烤餅
$23
32 views
0 likes
0 comments
.
之後食食下就飲啖lassi，朋友話今次比上次更粉紅色，隻色都真係幾靚。至於味道我就覺得正常，唔係好特別，但亦唔會好甜。
玫瑰乳酪
26 views
0 likes
0 comments
.
最後因為口痕嗌多左個印度炸洋蔥圈，即叫即炸，上枱嗰陣仲係辣手架！都幾大份架，而且佢又唔會好重麵粉，只係輕輕薄薄上咗層麵粉就炸。就會成到尾都冇乜油出。但可能因為我地叫既次序錯左，所以就覺得佢好淡。而個醬都好稀同隻味唔係好啱食，少少可惜。
印度炸洋蔥圈
$36
35 views
0 likes
0 comments
.
上去嗰陣係下晝兩點零三點，冇乜人，所以環境都幾靜幾舒服，而且職員既服務態度都好好，好努力都溝通同serve我地。上去嗰陣真係好肚餓架，食左咁多野，我同朋友都飽到上心口，埋單都係$206，真係好抵食！之後有機會都會帶其他朋友上去食！
Post
