泰贊- 創意泰餐廳 (Closed)

六點幾到達大埔超級城，踩完單車好肚餓，見到呢間暫時未需要等位，就即刻衝入去食。叫咗個黃咖喱雞肉，唔辣，蔬菜配埋黃咖喱好甜，雞肉份量都唔少，唔鞋口，小朋友都好鍾意食。海南雞飯反而啲雞肉冇咁滑，可能今次個位置唔係咁靚，份量略嫌少了一點，個湯都係一般般，反而個菜煮得好入味，冇菜青味。蒜蓉包值得推介，上枱嘅時候好香口，好脆，蒜蓉味好均勻，就算放耐少少，都唔會好快冧身。餐廳環境都算寬躺，但係服務一般般，人手唔係咁足夠。