秋田火鍋海鮮丼浜燒專門店 (Closed)

前排約左屋企人去香港公園影相，難得有相機跟身，就搵間靚仔少少既餐廳試下影食物相。路經灣仔，朋友話不如食丼，就上網搵下，黎到呢間秋田海鮮丼。坐底望望餐牌都幾多選擇，價錢就見人見致啦，不過食丼係咁上下。我叫左碗火炙3色丼，試完影就即刻大快朵頤，實在太肚餓。首先講下個帆立貝，好大粒，比想像中更大，以為會同餐牌有分別，點知都好大粒，又夠厚，讚！之後就試個三文魚，本人就比較喜歡無火炙啦，但都不錯。值得一題就係個吞拿魚，正到顛，火炙完之後，魚油出哂黎，好味到不得了，有機會一定要試下，返唔到轉頭。