15
8
5
Level2
10
0
好味潮式小菜館～鵝片100分！
2022-09-16 1071 views
今日同屋企人黎澄海小館食晚飯，其實都食過好多次了，不過呢到既鵝片真係數一數二好食。由於呢間小店面積唔算大（其實有兩個舖位，一個對住大街正常既舖位啦，同埋一個喺後巷行入去既舖位（唔係露天/後巷，只係要沿後巷行入去）），怕要等位既關係我地預早打電話去book位先。去到既時候準時8:30pm，都差唔多滿座！咁員工姐姐就安排我地6個人坐後巷行入去個個舖位。我地叫左幾碟小菜同埋鵝片啦，全部都好好食！！！座位都算闊落，當然唔好expect係好舒服既高級中菜廳咁樣，但係係乾淨舒適的。小菜既價錢大約平均$90一碟，份量正常，加埋味道我覺得算係抵食。菠蘿咕嚕肉：應該去邊食小菜都總有呢碟出現，酸酸甜甜咁好開胃，份量又夠。但係略顯個皮炸得唔夠脆。鵝片（拼鹵水豆腐豬大腸）：好瘦好好味，我唔鍾意食切得太厚或者太肥既鵝片，呢個真係100分。豬大腸我無食，但係屋企人覺得好食。豆腐一向係我既favourite，所以點我都覺得好食既。鹹魚雞粒炒飯：飯粒粒粒分明，唔會太油，有鹹魚香，好食。勝瓜雲耳炒肉片：新鮮，但少少太油。黃金鮮魷：每件魷魚都有鹹蛋黃覆蓋，幾好食。總共食左$740（加埋白飯同買兩罐汽水），我自己覺得以家庭
Read full review
今日同屋企人黎澄海小館食晚飯，其實都食過好多次了，不過呢到既鵝片真係數一數二好食。
由於呢間小店面積唔算大（其實有兩個舖位，一個對住大街正常既舖位啦，同埋一個喺後巷行入去既舖位（唔係露天/後巷，只係要沿後巷行入去）），怕要等位既關係我地預早打電話去book位先。去到既時候準時8:30pm，都差唔多滿座！咁員工姐姐就安排我地6個人坐後巷行入去個個舖位。
我地叫左幾碟小菜同埋鵝片啦，全部都好好食！！！座位都算闊落，當然唔好expect係好舒服既高級中菜廳咁樣，但係係乾淨舒適的。小菜既價錢大約平均$90一碟，份量正常，加埋味道我覺得算係抵食。
菠蘿咕嚕肉：應該去邊食小菜都總有呢碟出現，酸酸甜甜咁好開胃，份量又夠。但係略顯個皮炸得唔夠脆。
鵝片（拼鹵水豆腐豬大腸）：好瘦好好味，我唔鍾意食切得太厚或者太肥既鵝片，呢個真係100分。豬大腸我無食，但係屋企人覺得好食。豆腐一向係我既favourite，所以點我都覺得好食既。
鹹魚雞粒炒飯：飯粒粒粒分明，唔會太油，有鹹魚香，好食。
勝瓜雲耳炒肉片：新鮮，但少少太油。
黃金鮮魷：每件魷魚都有鹹蛋黃覆蓋，幾好食。
總共食左$740（加埋白飯同買兩罐汽水），我自己覺得以家庭聚會晚餐黎講幾好食同幾抵食，會再黎。
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2022-09-15
Dining Method
Dine In
Spending Per Head
$120 (Dinner)
Recommended Dishes
  • 鵝片