牛壹台食 (Closed)

朋友帶我黎左呢間灣仔軒尼詩道既台灣菜,入面環境好靚有月亮同埋天燈既場景背景咁,座位係用左木質既檯同椅,我地叫左一碗招牌牛肉牛腱麵,隻碗好靚,麵條好幼身,牛肉超淋同超厚身,大大塊,湯底好濃牛肉味,仲叫左一碗鹽酥雞肉肉燥飯,肉燥飯有好多肉燥同埋半隻滷水蛋,炸鹽酥雞粒好多粒同好香脆可口,一啖一口,另外,朋友仲叫左一杯熱既洛神花蜜酸甜醒胃,珍珠奶茶珍珠好軟淋,奶茶味好突出,仲有小食雞蛋餃都唔錯,份量有成8隻咁多,職員友善。