香港海賊王餐廳 (Closed)

香港好少有卡通主題餐廳，朋友介紹來呢度真係好有驚喜，因為餐廳比我想像中大，卡通全部大大個，影相位勁多、但最難得係食物質素仲幾好添。餐具有卡通標誌食得特別享受。前菜先來個炸蟹球，外脆內軟，入面好creamy。雞亦係小朋友最愛，單骨小朋友食落更容易。豬仔脾好大隻又夠厚肉，醬汁好香濃，肉質夠軟淋夠肉味。牛扒三文治，牛扒6成熟剛剛好，最吸引我係面包上有正義2個字，相機食先呃like一流😂😂 眼闊肚窄點埋呢個卡邦尼貝殼粉，味道不錯，仲有流心雞蛋，貝殼粉軟硬度剛好，巨型size小朋友好少見，食得特別開心。餐廳仲有主題甜品賣相好可愛，可惜已經太飽，要下次再來試了。