Seafood Stand (Closed)

今晚拎住好多野，真的想快啲返屋企。點知屋企冇飯食，老公又想二人晚餐，所以免為其難地周圍睇下有咩食。行到Seafood Stand嘅門口，見老公想試好耐但都未有機會試，就入左去搵位喇。為安排左一張二人枱，全間餐廳都係高枱高椅，舒適程度一般，不過都岩飲下啤酒，食下小食。點餐要出去柜枱點，即時比錢，乜咁快餐店feel嘅？但個價錢一啲都唔快餐喎！點左兩個最人氣嘅牛魔王漢堡（$58），個飽同芝士都好好味，牛肉就有少少唔夠juicy, 但整體上唔錯的。另叫一個薯角（$28），呢個薯角炸得好，好香口，脆卜卜，真係幾好味喎！每人再叫一杯野飲，可樂（$16），凍檸茶（$26）下次可以再試佢其他漢堡