滿記甜品 (Closed)

每次同阿女出街食晚飯之後，總會心思思去搵飯後甜品，食埋先覺得大滿足，今日都唔例外，係觀塘附近食完晚飯，就去左APM滿記搵野食，可能冇去一排，見倒新出左白雪仙草芋圓，同埋綠豆仙草芋圓，我地就一人試一款。先講綠豆仙草芋圓，堆得滿滿一碗，中間有一球芋味雪糕，側面係紅豆，涼粉，薏米，芋味同蕃薯味芋圓，最底就係綠豆蓉。芋頭味嘅芋圓味道比較突出，而所有材料撈埋一齊食，涼浸浸，味道剛好，唔會太甜，芋圓有咬口。相比之下，白雪仙草就較遜色，黎到見到白色雲利拿沙冰已經溶溶地，見阿女一路食，成碗野起晒泡咁🤣有d核突，不過阿女話味道都還可以嘅😅。