首爾家韓國料理

Open Now

Now Closed

上次同M佬嚟銅鑼灣食首爾家，主打韓燒，肉嫩汁香，但M佬話韓燒試唔到餐廳廚師嘅真章，所以今次我哋嚟就食韓式地道料埋，睇吓又啱唔啱我哋口胃先。叫完嘢食，即刻為你送上6碟泡菜，醒醒胃！紫菜牛肉包飯包飯最怕就係紫菜變淋，好彩呢度嘅keep到香脆，而飯包住牛肉、紅蘿蔔、黃蘿蔔、雞蛋、青瓜同芝麻，麻油味香，但又唔油膩，唔錯。人蔘雞湯趁天氣凍，食番個人蔘雞補補先！湯底清香，完全無味精感，重口味人仕就唔啱喇！雞肉煲到好綿，而雞入面嘅糯米就入晒味，正！越飲覺得蔘味越香濃，原來餐廳落足料，有成2條人蔘，飲完之後，這個冬天不太冷。炆牛肋骨牛肋骨炆到好軟嫩又多汁，非常入味。而驚喜在於白蘿蔔，M佬話好香甜呀（不過，我就無食，因為人蔘同蘿蔔費事搶埋一齊啦）！年糕餃子拉麵辣年糕湯底配上餃子，同上次一樣，餃子皮薄多汁，而年糕煙韌入味，唔錯。