Video
Read full review
2021-06-27
10725 views
🥢荃灣$128晚餐無肉超正美味高質自助餐#食好西荃灣美食#食好西任食自助餐放題#食好西良心推介 🥢請俾個心心支持及follow@eatgoodwesteatbadwest🥢話說屋企人成日推介我，有間好正的無肉自助餐抵食又好正，平時個人最鐘意係多肉少菜，要去無肉餐廳對我來講有少少懷疑，不過見屋企人極力推介，價錢平平地就即管去試下啦🥢入到去係一間幾光猛乾淨的感覺，店員都係後生仔女很有活力，食物好似自助餐咁自己取的，先消毒雙手戴好口罩就可以出去攞野食，食完自行收拾好去回收處就ok🥢自助餐原來都有不少料理，大致上分為冷盤，沙律，炸物，餸菜，甜品，湯及糖水，店員會不斷地refill 新菜式，絕對好新鮮又好食🥢冷盤發現有麻辣皮蛋，平時一個人都食可以食到一碟，呢到可以放題食，梗係唔好放過佢，麻辣汁同平時食的一樣又辣又惹味，另外仲有木耳青瓜冷麵同醃酸蘿蔔，非常惹味開胃🥢沙律蔬菜非常新鮮爽口仲有個人最愛的紅菜頭，平時茶記食的撈左沙律醬生果沙律好鮮甜，用上新鮮蔬果，哈蜜瓜係超甜的，還有又愛又恨的超大size芝麻醬秋葵都係必食🥢炸物呢到的炸物很多款啱我食，先來天婦羅金菇，孜然薯仔三色椒，炸春卷，蛋散，仲有煎
#食好西荃灣美食#食好西任食自助餐放題#食好西良心推介
🥢請俾個心心支持及follow
@eatgoodwesteatbadwest
🥢話說屋企人成日推介我，有間好正的無肉自助餐抵食又好正，平時個人最鐘意係多肉少菜，要去無肉餐廳對我來講有少少懷疑，不過見屋企人極力推介，價錢平平地就即管去試下啦
🥢入到去係一間幾光猛乾淨的感覺，店員都係後生仔女很有活力，食物好似自助餐咁自己取的，先消毒雙手戴好口罩就可以出去攞野食，食完自行收拾好去回收處就ok
🥢自助餐原來都有不少料理，大致上分為冷盤，沙律，炸物，餸菜，甜品，湯及糖水，店員會不斷地refill 新菜式，絕對好新鮮又好食
🥢冷盤
發現有麻辣皮蛋，平時一個人都食可以食到一碟，呢到可以放題食，梗係唔好放過佢，麻辣汁同平時食的一樣又辣又惹味，另外仲有木耳青瓜冷麵同醃酸蘿蔔，非常惹味開胃
🥢沙律
蔬菜非常新鮮爽口仲有個人最愛的紅菜頭，平時茶記食的撈左沙律醬生果沙律好鮮甜，用上新鮮蔬果，哈蜜瓜係超甜的，還有又愛又恨的超大size芝麻醬秋葵都係必食
口水皮蛋
451 views
2 likes
0 comments
🥢炸物
呢到的炸物很多款啱我食，先來天婦羅金菇，孜然薯仔三色椒，炸春卷，蛋散，仲有煎蘿蔔糕，同馬蹄糕咁，煎炸得香口鬆脆，最最最重點既係竟然有我最鐘意食既地瓜球啊，熱辣辣又夠煙韌，搞到我食左好多粒，今次真係fat fat 了
地瓜球
372 views
3 likes
0 comments
🥢餸菜
除左多款唔同款式的炒菜，蕃茄炒蛋炒苦瓜，炒豆角味道仲要幾好食，絕對係食得過，食到中段有個超巨型搶眼的拔絲，店員小心翼翼地放好，因為好大個個都爭住影相，呢間拔絲仲係非常熱，外層脆卜卜入面係甜甜的紫薯，估唔到呢個配搭又好好食
拔絲紫薯
193 views
1 likes
0 comments
🥢甜品
食到最尾係甜品時間，其實已經超飽啦，見到仲有椰汁糕同紅豆糕，仲有台灣蜂蜜蛋糕，芝士撻，味道都非常真係唔錯啊食多幾件已回本
🥢湯水
今日提供的是節瓜湯，有節瓜的清甜，因為無肉去煲，但都幾重瓜味的清味
🥢糖水
紅豆蓮子糖水，自己𢳂鐘意好多渣又夠多紅豆，味道同平時的糖水舖差唔多，所以鐘意可以飲多幾碗
🥢飲品
提供菊花茶，檸檬水微甜可以自己斟
🥢今次係第一次去呢類無肉餐廳，真係顛覆咗我嘅三觀，原來唔食肉都可以咁美味，平時鐘意食的麻辣皮蛋，炸地瓜球，仲有拔絲菜式，無想過可以係無肉餐廳任食，價錢非常抵食仲要唔洗加一
🥢另外餐廳仲提供外賣飯盒，晚餐飯盒$60可以自助區夾鐘意的餸菜，仲有湯或糖水，鐘意食咩野自己揀，感覺自由度好大，見到都幾多人會買外賣，飯盒size 都幾大個，下次可以試下買返個
📍 無肉食 (如心廣場) (荃灣)
荃灣大河道98號如心廣場二期2樓213號舖
Post
