紅磡冰室 (Closed)

今日冇帶飯，於是同同事喺公司附近睇下有乜好食，有同事提議紅磡冰室，但係行到門口見到 排長龍 ，有同事怕排隊，諗住食另一間，但見入面有一大班人走，於是就決定排隊等一等。大家記住呢間紅磡冰室喺午飯時候經常係要排隊等位的，可能因為d嘢食好味，份量足夠，怪性價比高。入正題，佢每一日都有一個指定嘅套餐，如果套餐唔啱你食，你可以揀餐牌另外一啲指定嘅特餐。今日我就點咗個豬扒撈麵，呢個豬扒撈面塊豬扒非常之大塊， 外有小脆，有口感，唔會嚡，十分好食，好欣賞佢喺咁旺的情況都可以保持水準，除此之外，呢個撈麵套餐仲有蒜蓉多士，呢塊多士，外面脆入面係軟同熱的， 可見水吧師傅對烘多士嘅時間非常執著認真， 除此之外佢杯奶茶成日都可以保持一級嘅水準 ，咁嘅套餐都係收46蚊，佢嘅定價雖然係小小貴，但間餐廳佢畀番曬咁多嘢俾你食，性價比非常之高，建議各位有時間去試一試。