畔溪尚粵館

Open Now

Now Closed

今日見放假得閒，就做下孝子同老豆老媽子阿妹4個人去畔溪飲茶。其實之前都會間中去畔溪飲茶，覺得味道唔錯，今次就再試試佢有無失準。我地係出面等左2個字就有位啦。因為我地全家都好肚餓的關係，我地呢次點左10籠點心。其中有幾籠點心又真係值得讚讚。首先，剛出爐的流沙奶皇包，一口咬下，很多奶皇流出，而且包子鬆軟，很有口感，值得一讚。之後，甘味叉燒酥，表面很像菠蘿包，咬落去非常鬆軟，叉燒汁同菠蘿皮配搭一流，好味。原隻鮮蝦腸，食下去沒有黏的感覺，而且蝦又大又鮮。紫蕃薯壽包表面看起來已經十分有賣相，打開包子後，本來覺得應該很甜，但食落去又剛剛好，包子又軟熟，不俗。至尊燒腩仔，皮脆肉嫩，咬落去仲有脆‘卜’ ‘卜’既聲，配合黃芥末，好食好食。總括呢講，覺得畔溪維持一貫既水準，不失名人飯堂之名，下次都會繼續幫襯。