Video
Read full review
2017-07-06
1371 views
屋企人中午飽飽滯滯,但我又想食飽d,咁就去間近近地既粥粉麵飯食晚飯啦,各取所需.。 去依種舖頭一定要叫碗牛腩面試下佢嘅功架,這是常識吧.碗麵一上枱嚇咗一跳,點解冇面嘅.撩一撩,.原來只係隻碗太大,面條匿埋係碗底啫,.份量係正常既.伙記其實可以輕輕撩下碗面咪好睇好多囉.面係蛋麵,冇鹼水味,而且火喉啱啱好,有咬口,啱晒!牛腩唔錯,肥瘦/軟硬都適中,而且都幾入味.另外叫左咸魚雞粒豆腐飯,雖然唔係炒飯亦唔係成鍋上,但都唔應該成碟飯濕笠笠.起碼要收乾少少水先至好上碟嘛.我知鹹魚同埋豆腐一向都係主角,但雞粒實在太少,咸魚又大粒得滯.可能因為成碟都稀冧冧,而且芡汁無味,令到豆腐雞粒都非常淡口,唯獨偶然食到大粒梅香咸魚既鹹味.餐湯係豬骨合掌瓜湯,幾甜,應該唔重或者無味精.順帶一提，卡位幾窄下,如果坐齊4個人,每人叫一set餐,即係飯,湯,餸,飲品,就會非常擠迫.4人或以上最好坐圓枱,如果有既話.
牛腩面
87 views
2 likes
0 comments
牛腩面
24 views
0 likes
0 comments
咸魚雞粒豆腐飯
59 views
0 likes
0 comments
另外叫左咸魚雞粒豆腐飯,雖然唔係炒飯亦唔係成鍋上,但都唔應該成碟飯濕笠笠.起碼要收乾少少水先至好上碟嘛.我知鹹魚同埋豆腐一向都係主角,但雞粒實在太少,咸魚又大粒得滯.可能因為成碟都稀冧冧,而且芡汁無味,令到豆腐雞粒都非常淡口,唯獨偶然食到大粒梅香咸魚既鹹味.
豬骨合掌瓜湯
43 views
0 likes
0 comments
Post
