東城酒家 (Closed)

父親節, 訂了位, 一行五人去東城酒家晚飯, 這晚換上了父親節特別菜單, 價錢比平常貴了多少不得而知了。先來一個 白灼海生蝦$168, 因為蝦唔夠大隻, 只能白灼, 不過食落都幾鮮, 肉爽脆, 好有蝦味, 真不錯!跟住係無太多技巧的 粟米魚肚粟 $88, 就同平時的罐頭粟米差不多味道, 不過魚肚算幾多。 清蒸大沙巴龍躉 $338 最有驚喜, 蒸到岩岩好, 唔過熟, 咁大條魚火喉控制比較難! 而佢係平均地熟, d肉又滑又嫩, 魚肉優質, 超正!魚香茄子煲 $78 基本上成碟九成係茄子, 肉碎只有很少, 比較濃味, 要配白飯食先得。本來食蝦同食魚時勁讚, 食得好開心, 但讚壞左, 到後來水準開始下滑了, 金銀蛋莧菜 $78 煮到比較老, 菜比較「鞋口」同有d 渣, 或者本身菜都不是太靚, 咸蛋同皮蛋份量倒是不少, 味道唔太咸都算可以。而最失望的係最後出場的 上湯波士頓龍蝦 $228, 芝士要另加$30, 以為會好正, 點知完全唔掂, 芝士一pat野咁, 無芝士味, 得奶味, 仲有d 粒粒唔知係用咩粉溝出來, 龍蝦明顯炸過, 又油又熱氣, 只食左一小塊, 都唔想再食, 最慘係無辜的伊麵, 因