越蘆越南牛肉粉 (Closed)

一入去就覺得同錦麗既裝潢好相似⋯又黎食越南野啦！疫情關係，一坐底職員就奉上消毒紙巾+口罩袋，都幾貼心。叫左好多野食，2麵2小食⋯一黎既呢個超大份既‘’會安檬要‘’，即係鮮茄蟹肉蝦丸湯檬一食落去已經唔對路，個湯好咸，加埋蟹膏仲咸！d麵好散同碎蕃茄無左個種鮮味，反而感覺好似俾醋醃過好耐咁之後串燒雞撈檬，串燒熱辣辣，外脆內軟，沙嗲味剛剛好，男朋友大讚拉也牛肉卷⋯一上枱見到黑蚊蚊，以為燒燶左？！應該就無既⋯咬開味道好濃，入面係免治左嘅牛肉，個人覺得比較膩，仲有少少騷，下次未必會再叫⋯鳳爪不過不失，新奇地加入左蕃茄，都有水準我最欣賞既係呢杯牛油果沙冰，其實佢似奶昔多d，似‘’牛油果+奶‘’ ，唔係好甜，亦無坊間沙冰個種透心涼既食/咬冰既感覺。（不過比起一般食越南野青檸梳打呢類飲品，呢杯牛油果沙冰就會多左一份 ‘’膩‘’）總結黎講，味道都係偏濃+咸，有d菜式令我喜出望外，亦有d菜式令我失望。份量都算大份，男士毋需擔心