波士頓餐廳

Open Now

Now Closed

星期日同老公去左灣仔，諗緊晚餐食咩好，老師話不如食鐵板扒，我諗起一路都帶佢去波士頓餐廳食火焰扒，於是去左食晚餐。未到六點去到已經要等四張枱，到走時好多人排隊。餐包鬆軟。羅宋湯好飲。鴛鴦扒(牛柳、豬扒)揀左黑椒汁，係你面前咋咋聲甘淋係扒上，兩者肉質都好腍，仲有薯菜同蔬菜，唔錯。火焰牛柳揀左蒜蓉汁，起晒火甘，牛柳好厚身，有輕微酒味，食落高級過鴛鴦扒既牛柳，老公話鬆軟得黎有牛味，好食。我地都揀左意粉，如果唔係可以揀飯。餐飲叫左凍檸茶同熱咖啡，前者好飲，後者麻麻地。