貓咪貓咪HOME (Closed)

好耐無去過呢類型嘅Cafe，心血來潮上網見呢間於油麻地嘅貓咪cafe，見評語都唔錯，決定嚟呢度試吓。我哋晏晝嚟到好多愛貓人士喺入面同貓貓玩。入去前要先除鞋，記住要著襪同消毒雙手。Cafe地方唔大，枱有啲密，裏面啲貓貓唔怕人，可以同佢哋近距離影相，好多仲訓緊較添。我哋兩個人叫咗一個鳥冬同闊條麵，包一杯$38飲品或餐湯。個湯幾好味，好重蕃茄味，仲有啲蕃茄碎，足料。日式炭烤雞扒蕃茄芝士闊條麵，呢個嘅雞扒幾滑，炭燒汁亦幾好味，不過同麵唔係咁夾，麵無咩芝士味。和式吉列豬扒麻醬烏冬，個麻醬好好味，但豬扒有啲鞋。好鐘意呢隻貓，好靚。