麗莎餐廳

Open Now

Now Closed

佐敦有好多餐廳，今次揀咗一間幾特別嘅餐廳，有小炒、扒、同埋一般茶餐廳有嘅食物--麗莎餐廳。聽職員講仲有做私房菜，想食乜嘢菜都可以做到，真係好勁，同一般茶餐廳好唔同。蝦乾粉絲什菜煲，$68我哋原本諗住求其食個下午茶，但估唔到有小炒，又唔貴，我哋就叫咗個比較健康嘅什菜煲，佢嘅湯底好鮮，令到啲菜都好鮮甜，又健康又好味。馬來炒貴刁，$55好耐冇食炒貴刁，突然好想食，見佢有餐，包埋嘢飲，好抵，貴刁炒得好香，唔會好油，食完唔會成嘴油，唔錯。西多士下午茶餐，$36西多士切開嚟炸，更加香脆，每塊上面都有牛油，蜜糖任加，好邪惡，不過食好味嘅嘢肥都肥得抵😍豬扒包下午茶餐，$38豬扒包都好好味，一分為二方便我哋食，豬扒好夠味，入面仲有好多沙律醬，好味。奶茶檸茶都好有茶餐廳風味，下次會去試多啲小菜。用茶餐廳嘅價錢就可以食到咁多美食，值得一試。