緣聚西日餐廳 (西裕街) (Closed)

雖然放題食物唔可以話十分高質，但勝在選擇夠多，呢個價錢食到過百款食物，仲有打邊爐，雖然2次都係2個人所以真係食唔到火鍋，但都見到幾多客人打邊爐，外面仲有清酒梅酒任飲。刺身都算新鮮，但切得大小不一得好緊要，都算高分之選，推介可以一試油甘魚，希靈魚，甜蝦，生蝦刺身，象拔蚌。壽司，軍艦，卷物，手卷都麻麻地，可以唔洗試，但左口魚不防一試。外邊食物枱上既食物，基本都可以唔洗試，太乾太硬同一定凍哂，冷盤泡菜同頭抽珍菌可以拎少少做前菜，其他沙律都可以唔洗試，蒜蓉金菇好咸。蟹粥蟹肉梅哂，粥都okay, 蒜蓉燒蠔好咸，燒多春魚，燒墨丸極度乾燥，不建議叫，清酒煮蜆都麻麻，不試也罷。羊架唔錯天婦羅太厚粉，汁太咸，可以唔洗試。最滿意係海鹽牛奶雪糕，焦糖牛奶雪糕都唔錯。乳酪雪糕都唔錯，焦糖餅雪糕有d怪怪地，似藥水味。