肉餅哥小炒料理 (Closed)

今日黎到大圍，見到有間餐廳叫肉餅哥、個名咁得意，就試吓睇下你係咪整肉餅整得咁好味先。見到個餐牌真係呆左，原來食肉餅都可以有咁多選擇，大大話話都有成30幾種肉餅俾你揀。頭盤我嗌左個泰式鳳爪酸酸辣辣，好開胃，而且配料好多。鳳爪爽口而且無骨，啱晒我依啲咁懶嘅人。點左個鹹蛋蒸肉餅見到個肉餅我啲口水已經垂涎三尺，好大碟肉質好鮮味，配上鹹蛋黃嘅香味，呢個配搭一絕，而且唔會覺得好油膩。佢做得最好嘅地方就係配上菜飯，啱晒我依啲平時唔鍾意食菜嘅人都會覺得你一個配搭一絕，可以中和反啖啖肉嘅感覺。