Video
Read full review
2018-11-25
738 views
第一次食，星期日七點半左右等左幾個字有位，唔算耐。上到二樓，環境幾好，一貫嘅扒房暗淡浪漫燈光，整體都乾淨。不過一坐低發覺個位好大風，大風到連枱上面張餐紙都吹到翹起，向侍應求助，一位阿姐好心地幫手閂細左個風，有明顯改善，抵讚。不過一間餐廳空調直吹枱面明顯係會令食物速凍，仲要係賣熱辣嘅鐵板餐，細諗就真係麻麻。閂細左風之後張餐紙係翹起到定左型，可見風力有幾勁。落左單，餐包嚟，熱嘅，下面牛油都半融狀態，唔錯。忌廉湯係粟米忌廉，幾杰，味道係正常水準。之但係，朋友個餐包食到最尾嗰啖食到粒煙頭，直情食到個口有酸味煙味臭味嗰種，即時吐在餐巾上找侍應投訴啦。侍應來到，即時反應係想收走佢，連嗰粒嘢都冇認真睇過係乜嚟，然後表示啲包都係人地交嚟。見佢咁樣就唯有請佢放返低粒煙頭搵經理嚟啦。經理嚟到，落手將粒煙頭撥嚟撥去撥嚟撥去，最後唔好意思都唔多句，剩係收走左粒嘢，話俾過份餐包就算。成個感覺係我地拎粒煙頭出嚟屈佢咁 真係火都嚟，whatsapp已經有朋友話搵食環，朋友太善良話費事搞，咁唯有尊重事主啦。不過我就冇咁大方啦，點都要話下俾人知先得嘅。到主菜嚟，都等左ok耐，不過唔緊要，出晒煙啲油彈到周圍係係要等下嘅，
上到二樓，環境幾好，一貫嘅扒房暗淡浪漫燈光，整體都乾淨。不過一坐低發覺個位好大風，大風到連枱上面張餐紙都吹到翹起，向侍應求助，一位阿姐好心地幫手閂細左個風，有明顯改善，抵讚。不過一間餐廳空調直吹枱面明顯係會令食物速凍，仲要係賣熱辣嘅鐵板餐，細諗就真係麻麻。閂細左風之後張餐紙係翹起到定左型，可見風力有幾勁。
落左單，餐包嚟，熱嘅，下面牛油都半融狀態，唔錯。忌廉湯係粟米忌廉，幾杰，味道係正常水準。之但係，朋友個餐包食到最尾嗰啖食到粒煙頭，直情食到個口有酸味煙味臭味嗰種，即時吐在餐巾上找侍應投訴啦。
侍應來到，即時反應係想收走佢，連嗰粒嘢都冇認真睇過係乜嚟，然後表示啲包都係人地交嚟。見佢咁樣就唯有請佢放返低粒煙頭搵經理嚟啦。經理嚟到，落手將粒煙頭撥嚟撥去撥嚟撥去，最後唔好意思都唔多句，剩係收走左粒嘢，話俾過份餐包就算。成個感覺係我地拎粒煙頭出嚟屈佢咁 真係火都嚟，whatsapp已經有朋友話搵食環，朋友太善良話費事搞，咁唯有尊重事主啦。不過我就冇咁大方啦，點都要話下俾人知先得嘅。
到主菜嚟，都等左ok耐，不過唔緊要，出晒煙啲油彈到周圍係係要等下嘅，上菜侍應都好細心提醒我地用餐巾紙擋住。但係一擺入口，問題嚟喇，個洋葱干邑雜菌牛柳粒，咸到飽和，仲要係用梳打粉夾硬乸到冧嗰種質地，差啲以為食緊茶餐廳牛肉，唯一分別係厚左啲囉。試左鐵板上面唔同位置左中右三嚿，都係咁咸，唯有放棄。
轉攻薯菜諗住食飽就算，點知連薯菜都係咸到飽和，完全唔想食第二嚿。同樣試左唔同位置嘅幾嚿都一樣。唔知係咪因為俾塊扒責住所以整咸埋。食幾嚿是日鈉吸收量已經超晒標。
成碟嘢最出色係嚿蕃茄，厚肉，多汁，最重要係，唔咸！係正常味！感動到我呢！個汁、洋葱同磨菇都好食冇問題，平心而論個汁本身味道唔差，有洋葱香之餘唔會滯，所以應該係牛柳粒出事。最後唯有食晒啲配菜算，飯或意粉都冇要。
朋友嗰碟雜扒就正常發揮，起碼嚿牛扒正常冇乸過，黑椒汁有香味但唔算辣。唯一好笑係塊鐵板，拱形嘅，仲有散射式嘅裂紋，啲黑椒汁喺兩邊向低窪地區流淌，咁都可以繼續用？真係環保到想頒個獎俾佢
最後餐飲冇得加錢轉特飲呢啲就唔講啦，傳統嘢點都有人buy嘅。但我就唔會再嚟囉。
好耐冇試過食餐飯食到咁冇癮。
美式什扒
28 views
0 likes
0 comments
洋葱干邑雜菌牛柳粒
31 views
0 likes
0 comments
當時我㩒緊電話唔係好聽得清楚，事後朋友講返，佢話當時個經理撥完一輪之後仲話唔係煙頭嚟，我朋友話：你睇下，紙嚟個喎！你睇清楚啲！ 最後個經理先拎走左粒嘢，由頭到尾唔好意思都唔多句添。由頭到尾嘅態度係對件事一啲都唔重視。
Post
