達摩元祖麵屋 (Closed)

達摩元祖麵屋尖沙咀真係好多野食，多到好多時麵唔知點揀，今日去左達摩元祖麵屋，店鋪外面有好大個達摩，影相打個卡都唔錯。入到去店內空間都幾大，門口仲有個小水池可以影下相。拉麵店都係可以有自訂拉麵紙填返自己個人喜好，每款湯底拉麵都配上不同名稱嘅達摩，同埋湯底麵有好多選擇，跟住就揀返麵質，叉燒種類，配料等等。男朋友就揀左雪達摩－櫻花蝦味噌湯拉麵，粗曲麵，豚腩叉燒，追加左一隻雞蛋。拉麵真係幾好食，湯底鹹淡岩岩好又多櫻花蝦，最好食真係追加個隻雞蛋，每次食拉麵都要加返一隻雞蛋先滿足。叉燒雖然係腩位，但係食落冇油膩感，粗曲麵質，食落爽口彈牙，好好食。女朋友就揀左蒲燒鰻魚飯鰻魚飯相對上冇咁驚喜，個汁都比較重口味，好好送飯加上餐包埋味噌湯份量好大份，個飯最後係靠Matthew食曬。鹽燒雞腎、雞軟骨雖然鹽燒冇咩特別味道，但係雞腎同雞軟骨真係好好食，而且可以揀返自己想要嘅味道去燒。如果唔知揀咩燒法可以問一問店員有咩介紹。汁燒牛舌店員介紹左牛舌普通都係汁燒比較好食，牛舌一放入口個感覺真係難以形容，真係超級好食，始終唔係好多地方可以食到燒牛舌，好有口感味道一流。達摩元祖麵屋價錢都好合理，性價比都幾高，店員態度又好