OPPA Coffee Bar Restaurant

Open Now

Now Closed

媽媽話要食韓國菜，唔駛諗韓國街最集中。呢間裝修都好似唔錯，夠曬闊落。坐得舒服岩曬同屋企人黎。邪惡嘅芝士熔岩飯呢個飯有oppa係你面前整，淨係睇都抵😂 佢落左蛋漿係個炒飯邊，跟著面頭加拉絲芝士，跟手佢會火槍整撈勻比你食。芝士味濃但唔會過膩，因為本身個飯係同泡菜去炒過，仲食到粒粒魷魚🤤芝士排骨又係唔駛自己動手，完全符合我懶人之道，佢地直頭夾埋去你飯碟到。 好鐘意佢甜甜辣辣咁，排骨絕對唔係得舊骨。紫菜包飯原來呢款本身冇泡菜架，因為屋企人唔想食咁多辣野就叫左呢個，但鐘意泡菜惹味嘅人，睇黎要叫泡菜芝士紫菜包飯先得甜酸無骨炸雞無骨炸雞幾岩懶人，不過之前食佢有骨反而仲好食，因為醬本身出色，肉味都濃d。不過我幾鐘意佢個薯條，薯味濃加上點埋佢甜酸汁，正呀喂。