Video
Read full review
2018-08-26
553 views
從來都未有咁嘅衝動去寫食評， 但係食完樂湯雞之後真係忍唔住好想介紹畀好多好多人去支持佢。 上星期第一次去，去到係夜晚8點35分已經唔派飛 , 心諗咁早, 10點鐘閂門點解8點35分就唔派飛呢 失望之際好彩有好心妹妹讓張飛我，我太約等到9:10分就可以入去食， 睇咗餐牌後決定要咗個砂鍋雞湯翅，大約5分鐘後熱辣辣嘅雞湯翅加米線已經到， 聞到濃濃嘅雞湯味已經流口水，即刻先飲一啖湯，真係好濃郁， 呢度啲雞係好滑，米線又吸曬啲雞湯好入味， 好快已經成鍋食哂，再叫個小食鹽水雞腎, 可能我偏好小小辣，所以如果我下次再叫嘅話會試下叫麻辣雞腎。 臨走嘅時候仲唔買咗佢哋特別泡製嘅醉鴨舌，好入味， 分量都足夠宵夜慢慢歎。 買單時我問工作人員點解咁早唔派飛，佢哋解釋因為雞已經買哂如果唔想大家唔想排隊排咁耐，工作人員提我最好4:00-6:00到。過多幾日心思思忍唔住放工再去試， 今次大概6點15分就已經到啦, 唔洗排隊，試咗砂鍋雲雞刀削麵同樣都係好出色另外再外賣半隻藥膳醉雞返屋企慢慢嘆，同樣好滑好多肉，酒濃度啱啱好。隔日我又介紹朋友一齊去，今次7點45分到，要等差唔多45分鐘先可以入去，我再試砂鍋雞湯翅但係配米
過多幾日心思思忍唔住放工再去試， 今次大概6點15分就已經到啦, 唔洗排隊，試咗砂鍋雲雞刀削麵同樣都係好出色另外再外賣半隻藥膳醉雞返屋企慢慢嘆，同樣好滑好多肉，酒濃度啱啱好。
隔日我又介紹朋友一齊去，今次7點45分到，要等差唔多45分鐘先可以入去，我再試砂鍋雞湯翅但係配米粉， 諗住米粉會好快索曬啲湯淋曬一pat，點知食到最後都好爽，所以我推介係配米粉一流。 最重要係飲完曬成個湯都唔會覺得口乾
寫到嚟呢度，其實都有私心，如果介紹咁好會有好多人去， 排隊入去食嘅時間會更長，不過真心想好味嘅食店可以繼續做落去，希望多啲人食到有心人煮嘅食物。
最後想講呢度老板，小妹妹員工都好nice
Post