老鍋台式火鍋 (金馬倫道) (Closed)

平時食四川麻辣火鍋就多，今次同男朋友食下台式麻辣火鍋。台式麻辣火鍋湯底比較清，比起四川麻辣火鍋無咁油膩。而且鍋內本身已有鴨血、凍豆腐，一上鍋已經有野食。😋開頭食時覺得好淡，無乜辣味，諗住下次都係食返四川麻辣火鍋，點知個鍋愈煲愈辣😂涮鍋小羊肉片肥瘦分佈得好平均，食落一d都唔騷。嚮鈴卷好大條，盡吸火鍋既麻辣湯味，必點！😍老鍋丸餃井字盤有蝦丸、魚肉小湯包、鮮蝦雲吞、魚皮餃各2粒，兩個人食岩岩好。唐生菜本身同男朋友諗住台式麻辣火鍋無咁油膩，可以叫個菜一試，但因為我地去到最尾聲先放d菜落去，所以索哂個辣味。今日乖乖地叫返個菊花蜜潤一潤口，但一上枱男朋友已經打瀉左，差啲搞到人地個爐著唔到😫😫😫最後都係忍唔住叫多杯啤酒。