道頓堀御好燒專門店 (朗豪坊) (Closed)

呢間餐廳開咗咁耐，終於去第一次去試 。以前去大阪食大阪燒，都覺得好好味，不過喺大阪食嗰陣唔係自己燒嘅。今次可以自己燒，覺得好好玩，雖然過程都有少少論盡，因為佢大阪燒、廣島燒同文字燒嘅煮法都有少少唔同， 所以記性唔好嘅我，每次煮一個乜乜燒都要望一望個餐牌個instruction。 除咗乜乜燒之外，仲叫咗個芝士年糕，都幾得意。佢上面有舊牛油，其實就係牛油燒芝士年糕，年糕入面有啲芝士咁囉。 廣島燒其實我就麻麻喇，因為有好大舊炒麵 。都係大阪燒最好味，另外文字燒唔係好似大阪燒咁結成一個餅，係比較濕，有少少似台灣蠔煎嘅感覺， 應該係有啲木薯粉，有少少糊狀， 都幾好味。