火鍋英雄 (Closed)

男朋友無啦啦話想好好好食嘅邊爐，肥牛，我就梗係立即走去搵吓啦，喺銅囉灣有咁多訪爐，我就聽人介紹嚟左呢間火鍋英雄。一入到去見到裝修都好有味道，周圍掛住好多毛筆字寫嘅墨寶，好有中華英雄嘅感覺，坐位都勁寬敞仲有個cushion比你挨吓，坐得好舒適。一坐低就放咗盤小食盤，有八種小食比你，有海帶，青瓜，豬耳等等川菜小食，辣辣地好醒胃。到湯底，嚟呢度當然要試下佢個麻辣湯底，我地叫左呢個同一個菇清湯，麻辣湯底嗌咗少辣所以唔係話好辣，但係食落都好正，菇湯我地睇返係有牛油味喺入面，都好正。到啲料啦，我地就叫左牛肩肉，你睇相都睇到啲肉嘅雪花分佈得幾平均，淥完之後入口彈牙兼好有肉香，男友食得超滿足。之後就係呢個黑毛豬，好大塊同豬味好濃，唔會話好大塊好難去食，好軟熟好好咬口。四色丸分別有蝦，墨魚，鯪魚同牛丸，一食就知係新鮮手打，每種三粒SHARE岩岩好。仲有魚腐，咬落去好綿唔會話好實，用嚟吸湯汁一流。當然要叫返樣海鮮，呢個鱔片不得了，勁大塊又無骨，鮮味十足，用嚟放麻辣一流，啲鮮味出哂嚟。飲品我地就叫左個洛神花茶，酸酸地開胃解肥膩，飲完就可以繼續大拆特拆。食完男友都非常滿意，話下次同朋友嚟食要開吓酒飲，我都好滿