Video
Read full review
2024-04-19
108 views
路過見到呢間日本過江龍「甘味處鎌倉」 ，見到職員整緊招牌名物「鎌倉蕨餅」，即刻忍唔住買晒兩個味試下，再叫多兩杯飲品同刨冰，嘆返個下午茶先～✦ 蕨餅｜原味、淺川園抹茶一打開就見到滿滿黃豆粉同抹茶粉，一啲都唔孤寒呀！蕨餅大大粒口感軟糯，唔會太甜又唔黐牙，可以加入自家製黑蜜，我會將一大粒切開變細細粒，可以黐到更多黃豆粉，絕對稱得上係我食過最好食嘅蕨餅！✦ 刨冰｜宇治金時刨冰用日本直送天然水製作，口感綿滑，份量都唔少，2-3個人食都可以。抹茶味刨冰配紅豆蓉同白玉丸子，仲可以$12追加3小件蕨餅，冰爽感覺最啱同閨蜜行完街去嘆✦ 蕨餅飲品｜草莓朱古力奶蕨餅·期間限定香濃朱古力奶配草莓好夾，面頭仲有大量朱古力忌廉，啖啖都飲得到草莓粒粒同蕨餅粒粒，飲品入面嘅蕨餅感覺比就咁食更滑嘟嘟✦ 蕨餅飲品｜淺川園抹茶蕨餅抹茶配上黑蜜蕨餅，淡淡抹茶味，飲落去似食緊一杯抹茶味嘅甜品之前經過屯門市廣場見到裝修中嘅「甘味處鎌倉」屯門人表示到時唔使去到咁遠就可以食到好好味嘅蕨餅啦，屯門店唔知幾時先開呢，期待啊～
✦ 蕨餅｜原味、淺川園抹茶
一打開就見到滿滿黃豆粉同抹茶粉，一啲都唔孤寒呀！
蕨餅大大粒口感軟糯，唔會太甜又唔黐牙，可以加入自家製黑蜜，我會將一大粒切開變細細粒，可以黐到更多黃豆粉，絕對稱得上係我食過最好食嘅蕨餅！
✦ 刨冰｜宇治金時
刨冰用日本直送天然水製作，口感綿滑，份量都唔少，2-3個人食都可以。抹茶味刨冰配紅豆蓉同白玉丸子，仲可以$12追加3小件蕨餅，冰爽感覺最啱同閨蜜行完街去嘆
✦ 蕨餅飲品｜草莓朱古力奶蕨餅·期間限定
香濃朱古力奶配草莓好夾，面頭仲有大量朱古力忌廉，啖啖都飲得到草莓粒粒同蕨餅粒粒，飲品入面嘅蕨餅感覺比就咁食更滑嘟嘟
✦ 蕨餅飲品｜淺川園抹茶蕨餅
抹茶配上黑蜜蕨餅，淡淡抹茶味，飲落去似食緊一杯抹茶味嘅甜品
之前經過屯門市廣場見到裝修中嘅「甘味處鎌倉」
屯門人表示到時唔使去到咁遠就可以食到好好味嘅蕨餅啦，屯門店唔知幾時先開呢，期待啊～
Post
