西貢松記車仔麵

Open Now

Now Closed

今日，天氣好好，因為肺炎嘅關係，好想去一去西貢行吓，可以避開啲人潮。因為行行吓嘅時候覺得好肚餓，所以就搵吓附近有乜好嘢食，因為突然之間好想食車仔麵，所以就想試吓呢一間松記車仔麵。叫咗兩碗面，第一碗麵係牛筋腩配牛肚，個辣汁同埋個腩汁都好好食，但係我略嫌個辣汁唔太辣，如果可以加多啲辣，咁就會更好味啦。至於個牛筋腩，脂肪比例都OK，但係我有一舊牛筋腩就太瘦，但整體來說都OK。而個牛肚，個鹵味都好味好入味。另外，仲叫咗個車仔麵，有豬大腸，冬菇，魷魚。個湯底都係有啲辣嘅辣汁，冬菇炆得好林，豬大腸清潔得好乾淨亦都好林，魷魚好爽口但係就冇乜好重嘅醬汁味，呢個就有啲略為遜色啦。最後因為個車仔麵都有啲辣，所以可以叫個豆漿飲下。