新麻蒲 BBQ (新都會廣場) (Closed)

收左工約左朋友係葵芳食飯，咁岩經過見到新麻蒲冇咩人等，就入左去。可能係平日夜晚，所以唔洗等位排隊就入到去。一見餐牌見到推出左新野，醬油蟹同醬油蝦同醬油鮑魚，因為之前都食過銅鑼灣個間新麻蒲嘅韓燒，所以今次一於食新野。叫左韓式醬油鮮蝦，韓式醬油醃生蟹伴飯，仲有主食叫左火山芝士泡菜炒飯同兩杯野飲 。一開始，會黎左四碟前菜小食，有泡菜、青瓜、紫菜同洋蔥都唔錯架😋韓式醬油鮮蝦鮮蝦點落去d醬油好正，一d都唔太咸，但有d醬油調下味，真係好夾。仲有d蝦真係好新鮮，仲有佢會有d沙律雞蛋做配菜，真係唔錯。韓式醬油醃生蟹伴飯佢嘅醬油蟹嘅味道亦都好新鮮，有著我之前係韓國食嘅醬油蟹當地嘅味道，仲有伴飯有金菇、青瓜、洋蔥、紫菜同蘿蔔做配料黎撈d飯，醬油蟹再配埋伴飯真係味道一流。火山芝士泡菜炒飯呢個芝士炒飯係鐵板上的，側邊仲圍著雞蛋漿，d炒飯上面就係芝士。一黎到侍應亦好好服務幫我地撈埋，食落真係超級yummy，芝士再配埋蛋漿真係好正，仲係要熱辣辣先好食，所以一定趁熱食😁。Cocktail Rita (菠蘿味, 士多啤梨味)最後點了兩杯cocktail，一杯係菠蘿味（冇酒精 ），呢杯佢就配埋蘋果汁，都好好飲架。我朋友