前家樂餐廳火鍋店 (Closed)

本身自己就係比較鍾意打邊爐同埋食雞煲嘅人，所以周不時都會無端端同朋友講好想食雞煲，哈哈當然亦都好鍾意一班朋友去食嘢嘅感覺！所以我就介紹左佢哋去我覺得食過最好食嘅雞煲地方-前家樂！點解我會話呢度係我食過最好食嘅地方？因為真係不得不讚，呢度嘅雞好好食，真係真係同一般出面食嘅雞煲嗰啲普通嘅雞好唔同，出面一般食雞煲我都唔會特別去品嚐嗰隻雞嘅雞味同埋肉質，都只係會食本身烹調雞煲材料既味道！但係呢度嘅雞煲嘅雞係會令你好想每一啖都去”答”真啲，因為真係好嫩滑同埋好甜☺️再配合埋佢嘅醉雞湯底！真係一絕！！💪🏻💪🏻另外本人打邊爐都好鍾意食蠔同埋食羊肉片，呢度嘅蠔好大隻同埋好肥美，而且價錢唔算好貴，所以價比價錢唔算好貴，所以性價比非常好！羊肉嘅肉質同埋味道唔會太濃烈，我有朋友唔食羊都覺得接受到呢隻味😎所以整體來講呢間餐廳真係好值得再次幫襯❤️