金鶴拉麵 (九龍城道) (Closed)

超豪和牛拉麵呢幾日天寒地凍最岩食拉麵，所以去左金鶴拉麵土瓜環分店。土瓜環有左地鐵站之後出入好方便，而金鶴就係地鐵站一出站對面，行過去唔駛3分鐘，十分方便。呢間分店除左吧枱，後面仲隱藏左個Backroom, 私隱度十分高！今期限定有A4和牛拉麵，淨係睇相已經好吸引。我點左一個和牛拉麵，店員話可以幫我火炙。朋友就點左金鶴招牌雞白湯拉麵。和牛拉麵一上枱已經有驚艷嘅感覺。和牛連骨分開上，有三大塊咁多，經過左店員火炙黎，依然見到油花分明，淨係睇已經流晒口水！而湯或就用左牛骨熬製，雖然睇落去奶白色，但就唔係一般雞白湯湯底。店員解釋如果用雞白湯就會顯得同和牛有啲格格不入。我試左一擔湯，牛骨味果然十分濃郁，但又有啲白湯嘅creamy感覺，係平時出面好難試到嘅味道。飲完湯之後再試下和牛，火炙過之後嘅牛肉充滿油香，又不失牛味，真係好滿足呀！朋友嘅雞白湯拉麵一樣唔會失色，奶白色嘅雞湯充滿住雞油同creamy嘅豐富口感，再加上鮮嫩嘅雞肉同叉燒，一樣係令人一啖接一啖食唔停口。值得一提，呢度嘅拉麵每碗都有蔥、筍、洋蔥、糖心蛋同沙律菜作為配菜，雞白湯仲有炸牛蒡添。如果唔食落單前同店員講就ok！順帶一提，金鶴港九各地