蘭特餅店

Open Now

Now Closed

早前同事升職派左D曲奇餅比我地食，覺得味道很好，食完想再ENCORE，一問之下原來就係沙田廣場既 Yolanda Bakery 購買既! 店內有售賣精緻蛋糕、手工曲奇、卷蛋、蝴蝶酥、杏仁棒等等，好多選擇!估吾到手工曲奇有甘多種味道! 每日全人手製造，款式獨特好多都未試過，心大心細最後揀左幾款! ✨鹹蛋肉鬆曲奇: 餅底好脆身 鹹蛋黃味好濃郁 鹹甜配搭幾過癮好食!✨特濃咖啡曲奇: 餅底鬆化 入口即化 咖啡味好夠 少甜少油的 岩怕肥人士!✨特濃朱古力: 呢款朱古力吾會好甜 似係用黑朱古力製既 好味!✨小紅莓: 因為入面有D莓 口感會有煙韌感! 細細粒小朋友爭住食! 見到D蛋糕咁精緻 忍吾住揀左三件蛋糕同家人分享下!✨濃情朱古力: 吾會好甜 朱古力味好香濃! 餅底有脆脆!✨爆珠楊枝甘露: 芒果好甜好正，慕士入面有柚子、西米，再加埋爆珠，清新得黎又充滿口感層次! 讚✨貓山皇榴槤: 慕士入面加入榴槤果泥 香味濃郁! 岩哂榴槤愛好者!✨另外首次見到 呢個鹹甜配搭 好奇買來試試! 比起純甜味既普通款真係特別得多! 而且蝴蝶酥做得好香脆!! 好快就比家人KO哂~餅店性價比都好高 食品有質素包裝又精美!