Meat King (Closed)

銅鑼灣行完街見到呢間餐廳，日本過江龍漢堡扒專門店，一見個名「Meat King」就知道好啱我呢個食肉獸食。餐廳好大，有好多卡位坐，坐得好舒服，又冇時間壓力，唔會因為有任食項目因此而有時間限制，所以可以食得輕輕鬆鬆，慢慢食。見到一排食物，沙律/甜品，好多選擇。只需要加幾十蚊就可以包埋任食沙律/甜品/飲品。所以揀咗主菜之後，最鍾意食side dish嘅我，一定會加錢去食埋呢個沙律同甜品。一點完main course即刻走去salad bar，排列得整齊，選擇種類好多，每樣食物貼上食物名稱，中英對照，仲有冷凍保持新鮮，侍應仲不停refill，refill得非常快。沙律新鮮爽口，已經食咗幾round，其實已經抵返哂。湯有兩款，粟米湯同蕃茄蔬菜湯。個漢堡牛真係質素好高，好厚肉又大件，好味好有肉汁。甜品都有好多種類，brownie，cheese cake，啫喱，雪糕等等。選擇多，質素好，服務有好好，咁嘅價錢真係非常之抵食，一定會再encore！！好少有會俾滿分，但係，呢餐一定要俾滿分！！