Video
Read full review
2021-07-12
325 views
🍽Ivan The Kozak 東歐餐廳中環雲咸街63號巴力大廈1樓🐽豬豬美食團今次去左中環，相信大家對東歐餐廳略有耳聞，主打菜式係平時好少食嘅烏克蘭菜～小編平時最鍾意歐洲古典嘅裝修，而東歐餐廳昏暗嘅環境同埋外國風情嘅擺設，令你猶如置身於東歐小餐館，暫時遠離左人煙稠密嘅香港。老闆亦都好熱情咁招待客人，會幫手影相又會為你介紹菜式，有種賓至如歸的感覺～正宗烏克蘭🇺🇦羅宋湯 $68（🧡🧡🧡🧡）羅宋湯起源於烏克蘭（又有講法係俄羅斯），因為天氣極度寒冷，因此冬天嘅時候，當地嘅人會用根莖類熬湯，因此烏克蘭羅宋湯會有濃濃嘅紅菜頭味。東歐餐廳嘅羅宋湯同平時香港西餐廳飲到嘅羅宋湯味道有少許分別，顏色亦都比較紅。飲落去味道比較清淡，但會有濃郁嘅紅菜頭味。平時飲羅宋湯最鍾意食埋啲菜，呢個湯亦都有好多紅菜頭，啖啖都好有口感。可能有部份人唔係好鍾意紅菜頭，我之前飲蔬果汁都唔係好接受到，但係今次放喺湯入面就好好飲！招牌芝士焗牛脷盎$98（🧡🧡🧡🧡）雖然睇落細細盎，但係好飽肚。餐廳會用酥皮蓋住上菜，酥皮可以用來點返入面啲芝士食，啲酥皮熱辣辣，幾好食。牛脷亦都充滿牛味，一次過將酥皮、牛脷、芝士汁同
🍽Ivan The Kozak 東歐餐廳
中環雲咸街63號巴力大廈1樓
🐽豬豬美食團今次去左中環，相信大家對東歐餐廳略有耳聞，主打菜式係平時好少食嘅烏克蘭菜～小編平時最鍾意歐洲古典嘅裝修，而東歐餐廳昏暗嘅環境同埋外國風情嘅擺設，令你猶如置身於東歐小餐館，暫時遠離左人煙稠密嘅香港。老闆亦都好熱情咁招待客人，會幫手影相又會為你介紹菜式，有種賓至如歸的感覺～
正宗烏克蘭羅宋湯
$68
22 views
0 likes
0 comments
正宗烏克蘭🇺🇦羅宋湯 $68（🧡🧡🧡🧡）
羅宋湯起源於烏克蘭（又有講法係俄羅斯），因為天氣極度寒冷，因此冬天嘅時候，當地嘅人會用根莖類熬湯，因此烏克蘭羅宋湯會有濃濃嘅紅菜頭味。
東歐餐廳嘅羅宋湯同平時香港西餐廳飲到嘅羅宋湯味道有少許分別，顏色亦都比較紅。飲落去味道比較清淡，但會有濃郁嘅紅菜頭味。平時飲羅宋湯最鍾意食埋啲菜，呢個湯亦都有好多紅菜頭，啖啖都好有口感。可能有部份人唔係好鍾意紅菜頭，我之前飲蔬果汁都唔係好接受到，但係今次放喺湯入面就好好飲！
招牌芝士焗牛脷盅
$98
23 views
0 likes
0 comments
招牌芝士焗牛脷盎$98（🧡🧡🧡🧡）
雖然睇落細細盎，但係好飽肚。餐廳會用酥皮蓋住上菜，酥皮可以用來點返入面啲芝士食，啲酥皮熱辣辣，幾好食。牛脷亦都充滿牛味，一次過將酥皮、牛脷、芝士汁同埋蘑菇放入口，正啊🤤
馳名基輔炸雞扒
$188
23 views
0 likes
0 comments
馳名基輔炸雞扒$188 (🧡🧡🧡🧡）
基輔炸雞扒係將牛油卷入雞排入面炸成的菜式，一切開牛油同埋雞汁就流晒出嚟🤩雞肉嫩滑多汁，外皮香脆可口，依家諗返起都有少少肚餓～配菜係炸薯仔片，食落就覺得唔夠脆啦。
小結：很滿足的一餐。
（5分滿分，🤍=0.5分）
環境 🧡🧡🧡🧡🤍
價錢🧡🧡🧡
味道：🧡🧡🧡🧡
抵食指數：🧡🧡🧡🧡
Post
