大亨燒鵝皇

Open Now

Now Closed

今日嚟到土瓜灣宋王臺呢一頭，我就比較少去呢一個地方嘅，雖然之前教畫都有去過附近嘅畫室附近，但嗰陣時食lunch得一個鐘都係食附近幾間泰國菜。今日我去宋王臺附近拍攝，順便睇睇仲起緊嘅啟德體育館，所以行行吓就由牛棚藝術村嗰邊過咗嚟呢一間大坑燒鵝，我叫咗一個燒鵝髀，朋友就叫咗個燻蹄雙拼飯。環境嚟講都算唔錯，而且佢都幾多人排隊喺度買緊嘢食，我覺得個燒鵝髀都份量幾足夠嘅，個奶粉湯底都有味，我哋叫咗一個凍奶茶同埋一個凍檸茶。