美食工房 (金豐) (Closed)

今日下午五點幾入去食TEA，本身想坐樓上，但佢話樓上係食晚餐的，所以要我地坐樓下，ｏｋ　ｆｉｎｅ（雖然果間野當時一個客都無），２個人叫左一個炒飯同埋一碗粉。落單落錯晒，叫檸茶就想俾奶茶（要重覆幾次先落倒單），叫河粉就俾拉麵（唉費事再換黎換去啦）。個飯係落好ｃｈｅａｐ既假蟹子－即蝦子，味道仲差過阿媽牌，隻碟勁熱，擺明係用ｍｉｃｒｏｗａｖｅ翻丁的，但下午茶已要成４０蚊了。個麵就一般貨色啦，要求唔高。杯檸茶先令人火滾，個杯已細了，仲要只得半滿，真係一啖就飲完了，嘩，好在只係食下午茶即，如果晚餐要成百幾蚊咪勁唔抵！千祈唔好去呀！我見佢餐牌上有田螺，本身我地都想試，但５２蚊只係得４隻，貴過出面成倍呀，問佢佢餐牌上寫蝸牛同出面既田螺有咩唔同，佢竟然話係一樣的，認真「略」水。仲有，我都同意樓下既人講，ｄ座位係勁唔好坐的。