Video
Read full review
2009-05-31
11 views
一班朋友傾完野後,諗住去醫肚,有個朋友就建議去"勝利小廚 "食小菜,佢話d小菜都ok既,咁咪去囉,之前去過食海南雞飯架喇,喺我印象中,果度d位好迫,又多人,食完就要即走,不過,竟然朋友建議到,咁咪再去吓囉!我地一行8人去到時因為無大桌,所以大家都等左幾個字,我地入到去,開始點餸,但係好多野都無囉,唔知係好生意吖,定係佢地唔係強頂係做小菜呢?鴨無;鳥頭又無;桂花魚都無;小白菜又無.....唉!!!! 最終都可以點到其他餸~~~海南雞- 總共叫左隻半,唔係話好食,而係隻雞好細,大家夾左兩至三件就無哂,其他餸又細酵喎~~~~豆腐斑腩煲- 一般.....小棠菜鍋貼- 幾好食,好似蝦餅咁豬比- 都幾好竹笙蝦仁炒蛋白- 完全唔掂,一d味都無,蛋白又唔滑,又無竹笙,放d蟹子喺面...超鬼炒大蜆- d蜆真係好大隻,但唔係好鮮味西蘭花炒鮮魷-一開始就叫,我地食哂所有野都未黎,叫左呀姐去追一追,呀姐就話做緊架喇,你唔見我地頭先好多人咩?一下子邊出到咁餸呀? 咁既服務態度點得架!? 我地都忍佢,但過多2個字都仲未黎,好唔對路,我地再追一次,又係果個四眼呀姐,佢幫我地問廚房,廚房話無單,再睇吓我地張單,又
我地一行8人去到時因為無大桌,所以大家都等左幾個字,我地入到去,開始點餸,但係好多野都無囉,唔知係好生意吖,定係佢地唔係強頂係做小菜呢?
鴨無;鳥頭又無;桂花魚都無;小白菜又無.....唉!!!! 最終都可以點到其他餸~~~
海南雞- 總共叫左隻半,唔係話好食,而係隻雞好細,大家夾左兩至三件就無哂,其他餸又細酵喎~~~~
豆腐斑腩煲- 一般.....
小棠菜鍋貼- 幾好食,好似蝦餅咁
豬比- 都幾好
竹笙蝦仁炒蛋白- 完全唔掂,一d味都無,蛋白又唔滑,又無竹笙,放d蟹子喺面...超鬼
炒大蜆- d蜆真係好大隻,但唔係好鮮味
西蘭花炒鮮魷-一開始就叫,我地食哂所有野都未黎,叫左呀姐去追一追,呀姐就話做緊架喇,你唔見我地頭先好多人咩?一下子邊出到咁餸呀? 咁既服務態度點得架!? 我地都忍佢,但過多2個字都仲未黎,好唔對路,我地再追一次,又係果個四眼呀姐,佢幫我地問廚房,廚房話無單,再睇吓我地張單,又有落單喎~~呀姐都o左嘴,唯有同我地講依家即刻幫你地再落過單啦~~我個fd忍唔住串左佢一句,一早叫你追,你又唔理,依家等多幾個字先至話無落單~ 個呀姐仲喺度話,咁我地多人客吖嘛,邊做得切呀!!! 個四眼呀姐真係好野,咁既服務~~~真係要叫佢睇吓劉德華個廣告先啦!!!!
總括黎講,佢地d服務公認係差,我食飯期間都見其他待應生對客都係唔好既態度,我都唔明點解仲會有咁多人去食..去受氣.....佢地d海南雞質素周圍都食到啦!價錢又唔係好平,同出面果d差唔多啫,超碼去第2度食唔駛咁受氣吖~~~~
Post