滾得棧 (Closed)

之前都食過滾得棧，見油麻地新開一間滾得棧，離地鐵站1分鐘，咁就腳梗係要試一試。一入到去地下果層已經有唔少嘅客人，所以直上2樓。佢有一張好大嘅食物紙，同一本好厚嘅彩圖Menu。因為我哋人小小，所以大部份食物都是叫半碟份量。湯底叫咗兩種味道，蕃茄薯仔同埋海底椰豬骨。兩種湯底配襯唔同嘅食物黎滾下滾下另有一番風味調好漿料後，湯底也差不多滾熱了！可以開始啦！首先出場係牛肩肉，這個絕對是必叫的，油脂分布實在太美妙，無論點樣滾都係咁鮮嫩。然後就係呢個廣島蠔，新鮮新鮮新鮮！雖然蠔不是我杯茶，但朋友特別愛，她食後既意見是不能不叫。丸子方面，我哋叫咗半碟蝦丸及半碟 墨丸，好彈牙。其實佢都有四寶丸，但基於我哋鍾情蝦丸同墨丸，都係散叫啱我哋啲。這個水魷大大碟，肉地好爽滑！白牛柏葉又係大大碟，好爽口！珊瑚蚌及桂花蚌食材新鮮，鮮蝦雲吞一盤10粒，分量充足。今餐真係好豐富，滾得我哋好開心！