Video
Read full review
2012-02-26
49 views
之前曾經見介紹呢間餐廳,果時以經好想去試一試,見團購有COUPON買,所以推動咗我呢次成行間餐廳位置唔起眼,入咗條巷,最初真係要搵一搵個門口我哋去既呢晚好多人,連老細自己都話未試過成場坐滿,但只得3個人招付上菜落單,所以要等一等。嚟到當然要睇下佢d裝修啦~好鍾意佢掛牆既飾物,好靚,成個環境感覺好warm。團購有一個特定既餐牌,選擇都好多,但就唔包飲品,我哋另外叫咗捷克beer,奧地利beer,White russia, bloody mary, 藍梅汽水(買二送一,即係2杯free)因為我哋有6個人,頭盤我哋可以全部點晒嚟試。每個人都有一件既三文魚子醬(三角型果件),老細上菜果時特別講明唔好切開,最好成件卷住放入口食,因為禮面有醬、芝士碎等。其實我只係食到d魚子醬有d咸,但覺得幾得意。其他既前菜,我好like個焗茄子,薯餅,同埋個豬肉片,由其時用嚟夾肉片塊黑麥包,其他既都唔錯。但唔太like個磨菇卷,太熱氣,同埋個焗磨菇原來係响多士上面放d磨菇,我仲以為係成隻磨菇咁焗。湯都係叫晒4款,個雜菜清湯真係好清,最惹味係辣肉湯,巴豆湯同三文魚湯都唔錯主菜我哋點咗兔肉(因為未試過)、三文魚、燒雞
之前曾經見介紹呢間餐廳,果時以經好想去試一試,見團購有COUPON買,所以推動咗我呢次成行
間餐廳位置唔起眼,入咗條巷,最初真係要搵一搵個門口
我哋去既呢晚好多人,連老細自己都話未試過成場坐滿,但只得3個人招付上菜落單,所以要等一等。嚟到當然要睇下佢d裝修啦~好鍾意佢掛牆既飾物,好靚,成個環境感覺好warm。
團購有一個特定既餐牌,選擇都好多,但就唔包飲品,我哋另外叫咗捷克beer,奧地利beer,White russia, bloody mary, 藍梅汽水(買二送一,即係2杯free)因為我哋有6個人,頭盤我哋可以全部點晒嚟試。每個人都有一件既三文魚子醬(三角型果件),老細上菜果時特別講明唔好切開,最好成件卷住放入口食,因為禮面有醬、芝士碎等。其實我只係食到d魚子醬有d咸,但覺得幾得意。其他既前菜,我好like個焗茄子,薯餅,同埋個豬肉片,由其時用嚟夾肉片塊黑麥包,其他既都唔錯。但唔太like個磨菇卷,太熱氣,同埋個焗磨菇原來係响多士上面放d磨菇,我仲以為係成隻磨菇咁焗。
湯都係叫晒4款,個雜菜清湯真係好清,最惹味係辣肉湯,巴豆湯同三文魚湯都唔錯
主菜我哋點咗兔肉(因為未試過)、三文魚、燒雞、豬肉腸、豬脾。兔肉味道出奇地好,好滑,味道似雞,但質咁好細唔嚡。三文魚炸過咗火,覺得燶咗d,但d肉都仲滑,唔嚡。豬脾我仲以為係真係隻脾咁上,原來只係一件扒咁(可能食得德國豬手太多,哈哈),啱啱上菜果陣熱食好好味,好滑,但當涼咗就覺得有d嚡。豬肉腸味道唔錯,但太乾身同煎燶咗。但用嚟配beer真係一絶。燒雞唔錯,一般水準啦。
最後到甜品,肉桂蘋果PANCAKE,d肉桂味好香,個皮都ok。士多啤梨PANCAKE,唔係用士多啤梨肉,係用醬,所以覺得太甜。炸雪糕,炸得唔錯,皮脆內軟,雪糕唔似外面有d炸完都仲好硬,但陣油味太重,影响咗味道,如果呢方面可以改善下就好PERFECT。
我哋嚟仲有一個目的就係要响雪房飲vodka飲vodka,$180/6杯。食飽之後我哋叫老細帶我哋入房,間房好細,但放既vodka好多都未見過,係老細自己外國帶返嚟。飲酒個杯好細,佢係咁介紹,佢自己都話咁多種類,只飲一款唔夠,所以俾我哋揀2款飲,每次半杯(但老細其實每次都係倒咗一杯俾我哋飲)。我哋各人先試原味(唔同牌子),之後再試有辣椒既(個樽入面真係浸住3隻辣椒仔架)。原本雪房好凍,但飲咗啖酒,真係暖晒,d酒味道都好唔錯
出嚟之後個場無乜人,老細好主動同熱情咁幫我哋揀位影相,仲好有心思幫我哋放d道具嚟影相以老細既熱情,我覺得真係好得,如果唔團購,個價錢响果區嚟講都好合理,如果將來要再同朋友食飯,呢度都可以選擇
Post
