好麵線

Open Now

Now Closed

其貌不揚嘅米線，睇唔出我係佢嘅擁躉。開頭係朋友介紹之下，去呢間小店度食，試過一次之後，就經常性再幫襯。一定要推介嘅係佢嘅手工餃子，同平時喺出面食嗰啲好唔同，佢嘅用料調味都配搭得非常之好。同埋佢嘅麻辣，係真係好香同埋夠辣，雖然有陣時會食到流晒汗，但係鍾意食辣嘅人都知道，越流汗越爽皮另外，佢嘅飲品都係好足料，唔會好似出面啲餐廳咁都好求其俾少量嘅材料然後開好多嘅水。臨走嗰陣，店主話我知佢哋嚟緊會放假，放到去二月先再開，好彩林尾都識到多一次。同埋好彩係放假啫，近年咁多食肆執笠，佢哋都仲可以放個幾月假，應該都冇咁易執笠嘅，二月再返去食。