小火山 (Closed)

係IG睇到哩間餐廳，即刻book咗期，咁得意嘅餐廳一定要試試。餐廳環境唔錯，仲有live band駐場，好有氣氛。泰式奶茶，泰式香味好重,搭配泰國嘢一流。前菜泰式發酵豬肉腸，豬肉腸煎到脆啵啵，咬落曝曬汁水。腸仔食落香甜，仲搭配埋青瓜生菜，好味。小火山三味刺身一口杯盛合，有生蠔，三文魚同泰式生蝦，每款都搭配泰式醬汁，食落鮮甜惹味。泰豬鍋係佢特色菜，一定要試試。第一步揀泰豬鍋燒肉拼盤：美國安格斯牛肉及豬肉拼盤。肉一共有4款，其中封門柳最好味，彈牙得來牛味好重。全部肉都好大一件，我覺得牛肉適合打邊爐，豬肉適合燒烤。豬肉油脂通過燒烤逼曬出來，唔會好油膩。第二步揀小火山特色湯底：冬陰功湯同香茅椰汁雞湯，冬陰功湯酸辣可口，香茅椰汁雞湯椰香濃郁，前面適合燙菜，後面適合燙肉，兩個都好有特色。第三步會搭配埋特色醬汁，共有4款，分別係泰式海鮮沾醬，羅望子沾醬，亞萊蒜沾醬同甜雞沾醬，我同FD最鐘意泰式海鮮沾醬，因為夠曬酸辣，點乜都好惹味。宜家店鋪做緊promotion，2HKD可以叫一份泰式豬梅花肉片，肉片大大一件，點燒都唔會柴，食落好軟嫩，勁抵食。薄切牛舌片，微燙已經可以食，好Q彈。牛骨濃汁牛肉丸，食落好